Philippians 2

1Ne be nyi be ameyɔyɔ de le Kristo mea, etujeanyi de so yebe lɔlɔ mea, edunɔnɔ be gbɔgbɔ,amenuveve kudo ŋzizikuku de le’a, mi dɔ jijɔɛ nye, 2do mi do susu deka, lɔlɔ deka, mi le du le gbɔgbɔ me, ye mi do taɖojinu ɖeka .

3Mi mu gba wɔ enuɖeŋti na miatɔ ɖokeu’o halo na gogo gbalo’o, vɔa le sùsù be bɔbɔɛ nyinyi mea, mi kpɔ amewo be wo nyɔwu mi. 4Mi mu gba kpɔ miatɔ miabe hiãhiãwo, vɔa mi kpɔ amebuwo be hiãhiãwo cã.

5Mi ɖo susu ke’a le mia me, keye nɔ Kristo Yesu me, 6ameke ye nɔ Mawu be nɔnɔme. Mu kpɔ yebe sɔsuɛ ku Mawu sigbe enuɖe keye be la le ɖo alɔme’o. 7Vɔa,E didi yeɖokoe. E sɔ sumɔvi be nɔnɔme. E ze le nusuwo be nɔnɔme. 8E ze sigbe nusu nene. E bɔbɔ yeɖokoe eye esetonu kaka yi eku me, kaka ku le atisoga ji.

9Yeŋutia Mawu kɔkɔɛ do eji bo’o, yebe sɔ nyikɔ ke le nyikɔwo kpata ta’a na’E. 10Be le Yesu be nyikɔ jia,eklowo kpata la je, ekewo le ayame, ku le anyigbã ji, ku le anyigbã be gɔme. 11Eye adewo kpata la hueme be Yesu Kristo ye nyi Tɔhonɔ, so yi Mawu etɔa be gogo me.

12Yeŋutia, lɔlɔtɔ nyewo, sigbe aleke mi se na tonu gasiagamea, mu nyi le ape ŋkume kpowo, vɔa fifia wu ŋtɔ cã, la ape ŋgbodome’a, mi wɔdo so miabe hluɛgã ŋuti gbaku do vɔvɔ kudo hùhùu. 13Do Mawu ye nyi ameke ye wɔ na jojro kudo wɔwɔ le miame ne yebe jijɔɛ kpɔkpɔ nyuia ŋuti.

14Mi wɔ enusanu kudo lihuilihui ma wɔ ku enya madɔ-madɔ, 15ne mia nyi Mawu be devi kɔkɔɛwo kewo ŋuti enya de mu kudo,anukuamɛwo, eye mia klɛ sgbe kãlingbɛwo do xixeame, le jɔjɔgɔglɔ kudo gbegblea dome. 16Mi le agbe nye’a doasi goŋgoŋ be mateŋ do gogo be nya le kristo be ŋkekea ji,ɖo nenea ye mu la nya be nye mu pudu gbaloo alo wɔ edɔ gbaloo.

17Vɔa ne wo so agbenyea do anyi sigbe enu nana do vɔsa ji ku miabe xɔsea be sɛsɛa, mu so ayoo kpɔ jijɔɛ kudo miawo keŋ. 18Eye le agbe nɔnɔ wuã me kea miawo cã mi la so ayoo ku dom.

19Vɔa mu le susu le Tɔhonɔ Yesu be ma dɔ Timoteo doda mia gbɔ sɔsoɛde, ne ma kpɔ tujeanyi le enya ke be la gblɔ na mua me, ne mu nya leke mi le doa. 20Nye mu do amede sigbe Timoteo nene’o, ne bea lebe na mi le nyawo meo. 21Do wuawo keŋ, wo le ji wuatɔ bea le, mu nyi Yesu Kristo be enuwo.

22Vɔa mi nyɛ be Timoteo do yeŋutɔ yedokoe kpɔ, do, sigbe vifɛ ke le sumɔ etɔa nenea, ele sumɔ kudo mu le Mawu be enya nyuia kãkã me. 23Yeŋuti, mu le susu la dɔɛin sɔsɔɛde doda mia gbɔ, ne ma kpɔ leke ye enuwo le gbɔ nye. 24Vɔa, mu kãdo Tɔhonɔ ji be, nyeŋutɔ cã ma va le madidi me.

25Mu le susu be ele vevede be ma dɔ Epafrodito doda mi, nɔvinye ku ahuadɔwɔtɔ nye, kudo miabe amedɔdɔ ku hiãhiãnye’o ji kpɔtɔ. 26Do mi se be ele dɔ, dɔlelea tɛ do eji, ye be jro be yea nɔ kudo mia kpata. 27Nyawo, E le dɔ kaka na asi eku, vɔa Mawu ku ŋsisi nɛ. Eye mu nyi yedeka kpo’o, vɔa ne cã be nye mu do efukpekpe do efukpekpe jio’o.

28Yeŋuti , mu jro be ma dɔɛ be, ne mi gba kpɔɛ, mia teŋ kpɔ jijɔɛ eye mi mu gba vɔ sugbɔ’o. 29Mi hɔ Epafrodito le Tɔhonɔ me kudo jijɔɛwo kpata eye mia do bubu eŋuti sigbe amekewo jia nene. Do E gogo eku le Kristo be doa ŋuti, sɔ yebe agbe na be yeas sumɔ mu, eye hiãhiãwo kewo ŋuti nye mu teŋ do na mu’oa, E wuɛ do mia tepe.

30